Riotorto 19 de marzo de 2015.- O presidente do PP de Riotorto e candidato á alcaldía, Clemente Iglesias, afirmou esta mañá que o centro de saúde do municipio contará cun novo médico a segunda semana do mes de abril.
Iglesias faise eco da información facilitada pola Consellería de Sanidade e anuncia que a resolución do concurso de traslados sairá publicada a finais deste mesmo mes de marzo no DOG e as tomas de posesión dos facultativos levaranse a cabo na semana do seis ao dez de abril.
O popular explica que a solución definitiva retrasouse algunhas semanas polos recursos recibidos sobre o concurso de traslados xa resoltos, algo que, insiste, non afectou a praza de Riotorto.
Deste xeito, o presidente dos populares quere informar a tódolos veciños que o novo médico vai estar en Riotorto na segunda semana de Abril e que este concurso de traslados iniciouse no mes de xaneiro de 2014(DOG 21 XANEIRO DE 2014).