Viveiro, 5 de marzo de 2011.- A deputada Emma Álvarez “desmontou” onte en Viveiro todas as mentiras que socialistas e nacionalistas están a contar sobre a nova Lei de augas.
Así, durante o encontro que mantivo cos veciños e no que estivo acompañada polo presidente local do PP e candidato á Alcaldía Cesar Aja, asegurou que a partir de agora non se vai pagar máis pola auga senón que se vai a aplicar unhas tarifas diferentes en función do consumo. Algo que, segundo recalcou, é máis xusto e equitativo.
Segundo explicou, en contra do que están a asegurar nacionalistas e socialistas, a citada lei tampouco inclúe a imposición de tributos novos, non obriga a poñer novos contadores e os usos agrícolas, gandeiros e forestais quedan exentos de pagar o canon da auga. Especificou ademáis que, “na práctica”, os usuarios de captacións propias ou comunais non terán que abonar ningún canon, posto que se beneficiarán de bonificacións de ata un 90 por cento.
Salientou asimesmo que a nova lei vén imposta pola Unión Europea, pola Directiva Marco da Auga, e que polo tanto é de obrigado cumprimento.