Lugo, 4 de abril de 2015.- O presidente do PP de Lugo, José Manuel Barreiro anunciou esta mañá que o actual rexedor de Meira, Ramiro Pérez, encabezará por segunda vez a lista dos populares de cara aos comicios electorais municipais que terán lugar o vindeiro 24 de maio.
Co de Meira, a dirección do PP de Lugo pecha a quenda de presentación de candidatos na comarca chairega.
Nado o 8 de xuño de 1962 e diplomado en enfermaría, Ramiro Pérez, está casado e ten dous fillos. No que atinxe a súa traxectoria política, exerceu de tenente de alcalde, de edil na oposición e nas pasadas eleccións municipais do 2011 foi elixido alcalde do municipio con maioría absoluta.
O cabeza de lista popular, comprometeuse a seguir traballando con seriedade e rigor para continuar na liña emprendida ata o de agora: intentar solventar as demandas e peticións dos veciños e a mellora para Meira.