Martes, 14 de novembro de 2023. Os deputados do Grupo Provincial Popular na Deputación de Lugo mantiveron hoxe unha xuntanza de traballo en Sober, dentro da súas reunións periódicas, e que tamén permite deslocalizar estes encontros para “poñer en valor a riqueza da provincia”.
Os deputados do PP tamén coñeceron a historia, funcionamento e modelo de negocio da adega de Sober Algueira, recoñecida hai poucas datas como a mellor experiencia de turismo relacionado co viño de España.
Os deputados populares destacaron a importancia de que “empresas familiares e con tanta historia coma esta” triunfen co seu esforzo diario xa que son “unha parte moi importante do motor económico da provincia” de aí que “sempre é unha magnífica nova que se recoñeza o traballo e esforzo de empresas 100% lucenses».
Este recoñecemento vén a confirmar o gran traballo realizado por esta empresa que, ademais “é a primeira empresa galega cuxos viños formaron parte da subasta de La Place, en Budeos (Francia), nun dos eventos máis importantes do mundo dentro do sector.
Con esta visita á adega Algueira (afincada en Sober), os deputados populares continúan co seu calendario de visitas a todos os municipios e comarcas da provincia xa que “percorrendo todos os concellos e falando con seus veciños é o único camiño para poder coñecer de primeira man as necesidades da provincia e así buscar solucións para que a provincia avance”. “Queremos que a Deputación aporte as solucións que os lucenses da provincia precisan e que volva a ser ese motor económico que Lugo tanto necesita”, destacaron.