Coincidindo coa inminente inauguración dun dos primeiros servizos que se abrirán nesta zona
MARTES 3 DE OUTUBRO DE 2023
• Elena Candia manifestou “o compromiso inequívoco e a sensibilidade do Partido Popular na transformación da Residencia” e reivindicou “esta forma de facer política como modelo para transformar e mellorar os barrios”
• Ramón Carballo: “A única administración que fixo posible a creación de novos servizos nesta zona foi a Xunta que investiu máis de 32 M€ nas novas dotacións” lamentando que “a achega do concello con este barrio sexa a construción dun carril bici inútil que complica a vida da súa veciñanza”
• A presentación de dous vídeos nos que interveñen veciños, hostaleiros e políticos foi, esta tarde, o punto de partida desta programación especial coa que tanto a voceira do Grupo Municipal e Pta Provincial, Elena Candia, como o Pte local, Ramón Carballo, manifestaron que “resulta moi gratificante formar parte da folla de ruta da historia dun barrio con tantas posibilidades”
• Como parte dos actos previstos explicaron que pedirán a colaboración aos veciños e persoal que traballou no Materno Infantil e no Xeral Calde para que aporten imaxes antigas para documentar a vida do barrio
• A iniciativa comezará coa recollida do material que terá lugar na sede do PP, na rúa Poeta Ramón Cabanillas, entre o 15 de outubro ata o 30 de novembro e co material montarase unha mostra fotográfica que se inaugurará no mes de decembro
• Outras actividades complementarias serán a celebración de varias mesas redondas nas que participará tanto a veciñanza así como o persoal vinculado ao antigo Xeral e ao Materno e empresarios e autónomos da zona para falar “do que foi o barrio no pasado e do futuro prometedor que ten cos novos servizos que se abrirán”