Triacastela, 01 maio 2023. O PP de Triacastela concorre ás eleccións locais que se celebrarán o próximo día 28 cunha candidatura continuísta, na que só cambian os suplentes. A candidata a repetir na alcaldía, Olga Iglesias, explica que os populares apostan no seu concello “pola continuidade para seguir medrando e completar o proxecto do PP”.
Iglesias Fontal sinala que para o novo mandato os retos céntranse nas tres grandes liñas de traballo que protagonizaron estes anos a política do goberno popular neste concello. Trátase, di a alcaldesa e de novo alcaldable, de seguir avanzando na dotación de servizos e infraestruturas; a este respecto, destaca que se incidirá na mellora das vías de comunicación e das traídas de auga.
A outra liña de traballo á que os populares seguirán prestando especial atención é a dos servizos sociais. A terceira liña é a do fomento do turismo, vinculado de maneira moi estreita ao Camiño de Santiago.
A LISTA NOME A NOME
1.- María Olga Iglesias Fontal
2.- Bautista Arias Pombo
3.- Óscar Fontal Caldeiro
4.- Luis López Arias
5.- José Manuel Gayo Fontal
6.- Raquel Vilarín Díaz
7.- Senén Fernández Argiz
Suplentes:
8.-Sara Ruiz Rubio
9.-Laura López López
10.-José Eduardo López Cordeiro
11 Luis López López
12 Manuel Pérez López