O Saviñao, 26 de abril de 2023. O candidato do Partido Popular á alcaldía do Saviñao, Carlos Armesto, lidera unha candidatura “para consolidar a este municipio como un concello referente da Ribeira Sacra”. Así de “ilusionado” o manifesta o alcaldable, que indica que “a vontade de todos é a de seguir traballando para dar máis servizos aos veciños nos próximos catro anos”.
Deste xeito, Armesto agradece a todos os membros da lista que “me acompañen neste compromiso que implica un contrato directo cos cidadáns de cara a traballar dende a responsabilidade e a entrega para culminar os proxectos que dende a entidade local están en marcha e de seguir buscando alianzas para traer máis investimentos ao noso concello”.
“Son homes e mulleres dos que me sinto profundamente orgulloso, pois sei que non só representan a un proxecto político e a un partido político, senón que destacan pola súa entrega ao noso pobo e, en consecuencia, aos nosos vosos veciños”. Neste senso, engade: “Considero que esta é unha máxima que, como representantes públicos, sempre temos que priorizar por riba de todo”.
LISTA COMPLETA
A lista completa coa que a formación popular deste concello do sur da provincia concorre ás eleccións municipais do 28 de maio está formada por 11 titulares e 10 suplentes. Trátase dun equipo que representa aos principais sectores económicos, culturais, deportivos e sociais do municipio. Constitúen, en palabras de Armesto, “a mellor representación do Saviñao e para O Saviñao”.
A candidatura ao completo é a seguinte:
Titulares:
- Juan Carlos Armesto Quiroga
- Beatriz Rois Castro
- Joaquín González González
- María del Carmen Expósito González
- Jorge Eugenio Rodríguez Álvarez
- José López Díaz
- Sonia García Rodríguez
- Miguel Teijeiro Rodríguez
- Jorge Rodríguez Rodríguez
- Noelia Varela Casanova
- Cristina López Vázquez
Suplentes:
- Manuel Expósito Vázquez
- José Alipio Curto Méndez
- Josefa Vázquez Fernández
- Patricia Paradela Gómez
- María Luisa Mariño Fernández
- Ana Belén López Losada
- Carlos Guitián Cómez
- Manuel Regal Sánchez
- Victor Manuel Fernández López
- Raquel Amorín Rodríguez