Trabada, 31 de marzo de 2023. Na historia do PSOE hai tres correntes diferenciadas que, en certa medida, se manteñen ata o día de hoxe. Unha delas caracterízase pola súa incapacidade para o entendemento cos rivais políticos e no pasado xa fixo moito dano ao país. O sanchismo herda moito desa corrente e, no ámbito local, en Trabada, queda moi claro na actitude de alcaldesa, Mayra García, sempre buscando o enfrontamento coa oposición, co PP. O portavoz popular, José María Fernández, lamenta esta forma de esta en política da alcaldesa porque -di-prexudica aos veciños e limita o exercizo dos seus dereitos. O PP insta a Mayra García a reconsiderar a súa negativa a permitir que os populares utilicen os locais municipais nas parroquias para manter reunións cos veciños, para coñecer as súas inquedanzas, preocupacións e propostas.
O portavoz popular, José María Fernández, candidato á alcaldía, desenvolve o seu programa de reunións nas parroquias do municipio. “Como a alcaldesa, sempre buscando a confrontación con nós e cos veciños, non nos deixa usar os locais do Concello nas parroquias, temos que facelas ao aire libre”. Engade: “Onte estivemos na parroquia de Vidal e facía tanto vento que era moi incómodo estar alí e apenas podidamos oír o que diciamos; o luns pasado a reunión foi en Fórnea, e grazas á negativa da alcaldesa, os veciños pasaron moito frío”.
Fernández sinala: “Estamos moi enfadados, porque foi unha decisión moi desafortunada e con moi mala intención. Isto non pasa en ningún concello de Galicia. Este continuo buscar a confrontación tanto coa oposición como cos veciños non pode ser. Cremos que se vulnerou o meu dereito como concelleiro e haberá ocasión de que quede demostrado na vía que corresponda. Esiximos que se nos deixe usar os locais do Concello nas parroquias”.
O portavoz popular di: “A pugna política ten que ser outra cousa; o que fai a alcaldesa é unha especie de despotismo da peor especie. Querendo ir contra o PP, vai contra os veciños”.