Friol, 21 de febreiro de 2012. José Ángel Santos volverá liderar a candidatura do Partido Popular nas eleccións municipais do próximo 28 de maio, aspirando a un novo mandato á fronte da alcaldía do Concello de Friol que ocupa desde 2015. Santos é alcalde dende o ano 2015, deputado provincial, presidente de GDR 4 e vicesecretario de Concellos Rurais do PPdeG.
Marca como obxectivo “seguir consolidando Friol como un concello atractivo para investir e vivir, creando novas oportunidades de emprego e crecemento socioeconómico”.
A dirección provincial destaca o apoio do electorado de Friol ao PP e o apoio ao traballo do actual representante e do seu equipo que repetiron en 2019 maioría absoluta, aumentando a confianza do 64,21% ao ano 2015 a case o 82%; «O mellor resultado do Partido Popular, remarcan, nos Concellos da provincia».
O popular, que forma parte do goberno local desde 2007, é deputado provincial do PP polo partido xudicial de Lugo na Deputación e presidente do GDR 4 Comarca de Lugo. Tamén preside o grupo local do PP de Friol, forma parte da xunta directiva do Partido Popular da provincia e do PPdeG, onde ademais, é vicesecretario de Concellos Rurais.
Neste sentido, destaca que se presenta «con máis forza que nunca» e co obxectivo de «seguir consolidando Friol como un municipio atractivo para investir e vivir, xerando novas oportunidades de emprego e crecemento socioeconómico». É dicir, “Friol é un concello de referencia da provincia de Lugo”, asegura.
«O equipo de goberno leva oito anos traballando, facendo posible que aquí as empresas se asenten e mesmo gañando poboación». Abonda con dicir, “o impacto que está a ter Friol no sector primario e empresarial, onde somos capaces de ser un efecto chamada para a implantación de novas empresas e proxectos innovadores en ambos sectores.
Por iso, “o meu compromiso cos veciños e veciñas de Friol e a miña responsabilidade é seguir xestionando novos proxectos que teñan un impacto directo no municipio e na poboación e, en consecuencia, seguir loitando por implantar novos servizos para os veciños”.