Partido Popular de Lugo

Daniel Vega revela que “o goberno do BNG volve perder outro xuízo por non cumprir cos traballadores municipais”

O voceiro do Grupo Municipal Popular de Ribadeo, Daniel Vega, lamenta que “o goberno local do BNG volva perder outro xuízo que teremos que pagar tódolos ribadenses. Nesta ocasión, por non respectar os dereitos dos traballadores municipais”. Ademais, sinala que “é máis reprobable aínda porque se puido ter evitado esta situación se o goberno local aceptara negociar cos sindicatos a implantación do horario de verán tal e como lle solicitaban a CIG e o C-SIF”.

 

O popular considera que “este novo xuízo perdido se debe á mala xestión do goberno local do BNG” e reproba a súa actitude “prepotente” ao rexeitar negociar cos representantes dos traballadores que “reclamaban os seus dereitos e aos que o xulgado da a razón”. Vega agarda, neste sentido, que “o goberno local cumpra o que di o xulgado”.

 

Explicacións aos veciños

A comezos deste ano coñecíase que o goberno local do BNG perdía outro xuízo pola falta de mantemento da coñecida como Praza da Música, xa que provocou danos nos garaxes dos edificios próximos. “Con outro xuízo perdido, somos todos os ribadenses os que temos que pagar as consecuencias das malas prácticas do goberno do BNG”. É por iso polo que Vega cre que “o equipo de goberno municipal debe dar explicacións aos veciños”.