Partido Popular de Lugo

Satisfacción no PP de Foz pola consignación nos orzamentos da Xunta para 2021 de máis de 2,5 millóns para as obras da nova depuradora de augas residuais, entre Forxán e Fazouro

O portavoz do PP en Foz, Javier Castiñeira, expresa a satisfacción dos populares deste municipio “porque nos orzamentos da Xunta de Galicia para o ano 2021 se recolle unha partida de máis de 2,5 millóns de euros para o inicio da construción da depuradora de augas residuais de Foz, na Granda de Forxán, entre Forxán e  Fazouro”.

 

O portavoz municipal dos populares recorda que é “un traballo que iniciou o goberno local do PP, pactando esa nova ubicación e iniciando a tramitación”.  Sinala que “avanzados os trámites administrativos, pendentes de permisos de diferentes organismos, entendemos que o compromiso da Xunta de Galicia é absoluto e total”.

 

Castiñeira sinala: “Con eses 2,5 millóns de euros entendemos que o ano 2021 debe ser o ano do inicio da depuradora, o que é moi boa noticia para Foz e para solucionar os problemas de depuración que ten esta localidade”.