Partido Popular de Lugo

O PP de Navia de Suarna presenta unha lista renovada nun 60% para desbancar ao PSOE do Concello

13, maio, 2019. O Partido Popular de Navia de Suarna, que encabeza Jesús María Fernández López, presentou a última tarde do día de onte a lista coa que concorre ás eleccións do 26 de maio. Trátase dunha candidatura renovada, pois inclúe 9 incorporacións –é dicir, o 60%- e coa que pretenden desbancar aos socialistas do Goberno municipal.

 

O alcaldable deu a coñecer o seu equipo durante un acto no que tamén interviron o senador electo, José Manuel Barreiro, o secretario Xeral do Partido na provincia, Carlos Armesto, e José Manuel Balseiro. Deste xeito, o candidato tamén aproveitou a xuntanza para desgranar o programa que porá en práctica se acada a confianza dos veciños nas urnas. Como primeiras medidas, inclúe a dotación dunha nova traída de auga para Navia e todos os núcleos que o necesiten, un plan de turismo con rutas de sendeirismo e visitas a castros e covas que existen no territorio e que están sen explotar e divulgar.

 

Asemade, aposta pola mellora das comunicacións con aglomerado en quente para todas as estradas do municipio e por intensificar as medidas coa asistencia a domicilio, a través da coordinación de rutas, suba salarial aos asistentes, supervisión dos labores que realizan e o pago do quilómetro a 0,22 céntimos.

 

Apoiarán aos novos gandeiros en cuestións como a mellora de pistas de acceso ás explotacións e fincas da montaña e intensificarán as colaboracións coa Asociación de Pesca, co fin de mellorar este deporte tan importante para Navia.

 

A mellora da rede de sumidoiro, o inicio das negociacións cos responsables do Castelo, a restauración e creación dun museo de apeiros de labranza empregados polos nosos maiores, a concesión a empresas de Navia de obras de adxudicación directa para parte do Concello e a recuperación das festas patronais para que volvan a ser as mellores da zona; son outros dos compromisos adquirido polo candidato do PP e que desgranou no encontro de onte.

 

Candidatura ao completo

A lista completa é a seguinte. En negriña son as novas incorporacións:

 

1.- Jesús María Fernández López

2.- María Julia Fernández Losada

3.- Faustino Pérez Gómez

4.- Manuel Díaz Fernández

5.- José Manuel Fernández Neira

6.- Manuel Bermúde z Fernández

7.- Omar Díaz Fernández

8.- Rubén Rodríguez López

9.- José Ramón Fernández Méndez

 

Suplentes:

1.- Vicente Fernández Mon

2.- Balbino Álvarez López

3.- Elda Fernández Gómez

4.- Miguel Ángel Monteagudo López

5.- Manuel Álvarez Vigüin

6.- Julio Gómez López