Partido Popular de Lugo

O PP de A Fonsagrada critica que o alcalde afirme que o polígono é unha das súas prioridades cando leva ignorando 2 anos a proposta feita polos empresarios

28, xuño, 2018. O PP de A Fonsagrada critica que o alcalde sitúe o polígono industrial como unha das súas prioridades cando dende a asociación de empresarios Fonte Sacra se lle pediu en 2016 a posibilidade de tramitar unha modificación puntual das actuais normas subsidiarias para a clasificación de chan urbanizable co mesmo contido que o Plan Xeral de Ordenación Municipal (PXOM) para así poder permitir aos interesados desenvolver o seu traballo empresarial. Os integrantes fixeron esta petición pois, tal e como se indica na memoria do documento, a ubicación xa contaba co visto e prace da Dirección Xeral de Patrimonio.

 

Ademais, en novembro de 2009, o expresidente da Deputación visitou xunto “ao seu compañeiro e amigo alcalde, que hoxe é vicepresidente” os terreos nos que o organismo provincial prevía a construción desta infraestrutura, entregándolle a modificación puntual do proxecto para a calificación de chan urbanizable industrial, para que esta fose tramitada a continuación pola entidade local. Esta modificación afectaba a unha superficie duns 100.000 metros cadrados, nos que estaba prevista un investimento de máis de 2,5 millóns de euros por parte da Sociedade Urbanística Provincial (SUPLUSA).

 

 

Sen embargo, o socialista fixo caso omiso de ambas as dúas propostas, que non interrompen para nada os trámites iniciados polo Concello; o que prova que os populares lamenten “a pouca vergoña” do rexedor, sobre todo, indican, “porque el e todos coñecemos a necesidade que hai en Fonsagrada de solo indutrial”. Por tanto, “presumir agora de que quere impulsalo é cando menos un despropósito de cara a esta asociación que lle expuxo esta posiblidade de forma oficial, metendo a súa proposta por rexistro con data 29 de xuño de 2016”, precisan.

 

Este colectivo leva tempo agardando que a súa reclamación se faga realidade. Tal é así que, incluso na súa proposta, expresan claramente a súa vontade e disposición para a adquisición de parcelas na área industrial. Ademais, o Plan Xeral, que se está a tramitar dende o ano 2009, recoñece incluso no seu preámbulo a necesidade de dotar ao municipio de solo industrial, ao incluír non só a delimitación dun sector de chan urbanizable, senón do contido completo necesario para a súa execución, tal como figura no documento que se adxunta.

 

Consecuencias da ausencia do polígono

A ausencia dun polígono en condicións, “por culpa da xestión do PSOE no goberno da Fonsagrada” limita, segundo o PP local, “as necesidades de crecemento da nosa comarca e acentúa aínda máis o despoboamento”.

 

“Sen chan non hai empresas, sen empresas non hai traballo, e sen traballo non hai xente; de aí que o alcalde teña a obriga de apoiar aos empresarios”, pois a súa proposta, precisan, pode levarse en paralelo co Plan, non prexudicando con elo a este último, pois se se aproba antes o PXOM paralizaríase a tramitación da modificación puntual, pero se se aprobase antes a modificación, o Plan pode seguir o seu trámite sen que o seu retraso entorpeza o futuro desenvolvemento do polígono.

 

“Cremos, por tanto, que o alcalde debería de ter algo máis de respecto polos propios interesados, aos que leva ignorando dous anos. Expuxéronlle a súa necesidade, dándolle unha solución viable, pero el, ademais de non escoitalos, resulta que saca peito e sae publicamente con semellante barbaridade. Se o fose como manifesta, non os deixaría de lado deste xeito. Ao noso entender non se pode ter tanta unha cara tan dura politicamente”, conclúen.

 

Descargar archivo