Partido Popular de Lugo

O PP de Burela pide por escrito a retirada da subida da auga, do alcantarillado e da recollida de lixo

BURELA, 30 de novembro de 2017.O PP de Burela presentou no rexistro do Concello solicitudes de retirada da Orde do Día do Pleno previsto para hoxe dos puntos referidos á suba das taxas do subministro de auga, saneamento e recollida de lixo, fixada nun 1’6%, segundo a proposta formulada pola alcaldía.

 

Os populares sustentan a súa petición na elaboración por parte da concelleira de Economía e Facenda, Patricia Otero, de estudos de ingresos e custos imputables ás tres ordenanzas para fixar que conceptos son susceptibles de ser incluidos nesas ordenanzas e polo tanto que contías son as que lles hai que cobrar aos contribuíntes.

 

Asemade, este Grupo solicita que, “en tanto ese estudo non estea rematado, para o que estipulan un prazo de tres meses, as taxas das tres ordenanzas deben quedar conxeladas, é dicir, non deben sufrir incremento para 2018”, remarcan.

 

Os edís do PP reiteran que “a taxa por recollida de lixo non pode experimentar incremento de ningún tipo, dado que a contía que se abona á empresa tén carácter anual fixo e non está suxeita ao incremento do IPC, tal e como quedou reflictido na comisión informativa de asuntos de Pleno do pasado luns, a pregunta do vociero popular González Barcia”.

 

Concellos Doing Business”

O Grupo Municipal Popular de Burela presentou unha moción de urxencia para instar ao Pleno a que o Concello se incorpore á iniciativa da Xunta e da FEGAMP “Concellos Doing Business” ou “Concellos emprendores”.

 

“Entendemos que debe adherirse a esta iniciativa para atraer empresas e xerar emprego, a cambio de que o Concello reduza impostos ás empresas de novo asentamento e polo que a Xunta nos dispensaría atención especial á hora de solicitar determinado tipo de subvencións”, defenden.

 

Os populares confían en que o Goberno local sexa sensible a esta moción, xa que nela “tamén incluímos, unha vez máis, a petición de que se desenvolva a bolsa de solo empresarial que hai establecida na zona de O Perdouro dentro do Plano Xeral de Ordenación Municipal, e que os dirixentes que temos en dous anos e medio non tocaron para nada”.