Con posterioridade mantiveron varios encontros con veciños en Muimenta (Cospeito) e Xermade.
Os populares quixeron chamar a atención do conxunto do programa popular, que incorpora máis de 1.400 medidas. “Temos propostas singulares, pero os lucenses imos beneficiarnos dun proxecto conxunto que é Galicia".
"Lugo e Galicia necesitan o proxecto do Partido Popular”. Un proxecto que cualificaron como serio, solvente, sólido, coherente e con aval, preguntáronse se pode haber alguén “que de verdade desexe experimentos, prefira os líos e aposte pola incerteza”.
Explicaron os populares as apostas do PP para Galicia, que pasan por un rural de futuro, por seguir a priorizar os servizos públicos destinando 3 de cada 4 euros públicos, asegurando a educación, a sanidade ou o gasto social para as futuras xeracións.
