O candidato do PP á alcaldía de Guitiriz, José María Teixido, manifestou esta mañá que non procede levar a cabo un debate o último día de campaña electoral.
O popular considera que durante estes quince días todas as forzas políticas tiveron tempo “máis que suficiente” para dar a coñecer os seus programas e confrontar as propostas que teñen para o futuro de Guitiriz.
Así as cousas, o candidato anunciou que a súa formación dedicará este último día a estar preto dos veciños, porta por porta, dando a coñecer de xeito directo as súas iniciativas e rendendo contas da xestión desenvolvida ata o de agora, sen intermediarios e orgullosos e convencidos de ofrecer a mellor alternativa.