Multitudinario acto dos populares en Palas de Rei. A casa da cultura quedou pequena para acoller ás máis de 800 persoas que arrouparon ao actual alcalde e candidato do PP á alcaldía deste municipio, Pablo Taboada, na presentación da súa candidatura.
Foi o número un do PP lucense, José Manuel Barreiro quen fixo oficial a presentación desta lista e quen dixo sentirse orgulloso do PP de Palas de Rei, “quen está desenvolvendo un magnífico traballo”.
 |
Barreiro destacou que o equipo que lidera Pablo Taboada sabe estar ao carón das demandas dos veciños e actúa cunha xestión próxima, en total colaboración e apoio doutras administracións como a Xunta de Galicia ou o Goberno central que fan posible actuacións moi importantes.
Asemade, o líder do PP de Lugo manifestou que a candidatura de Palas de Rei reúne tres factores claves: traballo, constancia e gran sintonía con tódalas administracións e sectores. Porén, animounos a seguir traballando nesta liña porque “é a axeitada e a do bo facer”.
Pola súa banda, o candidato popular, Pablo Taboada, quen agradeceu ao seu equipo o traballo feito nesta lexislatura, explicou que presenta unha lista equilibrada, onde teñen cabida os diferentes sectores do concello, que reflicte a realidade do municipio e que combina xuventude, para aportar aire fresco, e veteranía, para sumar experiencia.
Deixou claro que o seu equipo, seguirá na liña emprendida ata o de agora: satisfacer as necesidades dos veciños e continuar na liña de fixar poboación e tecido empresarial na vila.
CANDIDATURA PP PALAS DE REI
Pablo José Taboada Camoira
Fernando Alfredo Pensado Barbeira
María Aurora Vila Agra
Amando Sande Agra
Alba Villasante Torres
José Ramón García Vázquez
Jesús Fandiño Sánchez
Jesús Penas Salgueiros
María Cristina Lodeiro Castiñeira
María Mejuto López
María de los Ángeles Neira Pérez
SUPLENTES
José Ángel Latorre González
José Varela Otero
María Alicia López Rodríguez
Eder Vizcaíno Guerra
Rosa María Gavieiro Currás