Partido Popular de Lugo

PP de Pol denuncia que o rexedor “salte a torera” un informe de intervención que revela que as contas incumpren a estabilidade orzamentaria

Pol 5 de decembro de 2014.- Logo do pleno municipal que tivo lugar esta mañá e no que se debateron os Orzamentos do 2013, a presidenta do PP de Pol, María Ángeles Lenza, denunciou a actitude ditatorial do rexedor, quen malia a existir un informe de intervención que revela que as contas presentadas polo rexedor, incumpren a estabilidade orzamentaria, aprobounas igualmente.

A popular considera que o Señor Rodríguez aproveitase da súa maioría e “salta a torera” calquera tipo de informe, algo que ve moi grave.

Asemade, Lenza López, mostrou o seu total rexeitamento á política económica emprendida por Lino Rodríguez, a cal non se axusta a realidade e así llo ratifican os informes.Ve lamentable que os orzamentos se aprobasen cos catro únicos votos do PSOE, posto que o seu grupo e os nacionalistas, votaron en contra, e critica a nula xestión do alcalde neste eido.