Partido Popular de Lugo

López Penabad: “os artigos de opinión de Suárez Barcia son pura demagoxia e carecen de fundamento”

Ribadeo 18 de setembro de 2014.-Tras ser coñecedor do artigo de opinión de Fernando Suárez Barcia, o presidente do PP de Ribadeo, Jesús López Penabad, afirma que o texto responde a indignación do rexedor, logo de que os populares “informemos á cidadanía da súa nefasta maneira de gobernar”.

López Penabad considera os artigos de opinión de Suárez Barcia de “pura demagoxia e de carecer de fundamento posto que non se axustan a realidade”.

O presidente local aposta pola creación da residencia no municipio e deixa claro que “os populares de Ribadeo defendemos a construción desta infraestrutura posto que creemos que é un servizo imprescindible e totalmente necesario para os nosos veciños”.

Remata o popular aclarando que non insulta a Suárez Barcia, que non ten nada contra a súa persoa, senón que o que insulta “é a maneira de gobernar deste rexedor, que se define como nefasta e pésima”.