Lugo, 6 de xullo de 2012.- O Voceiro do GPP no Senado e Presidente do PP de Lugo, José Manuel Barreiro, asistíu esta mañá ao I Foro-Almorzo Informativo organizado por NNXX do PP da provincia de Lugo e a Asociación de Xóvenes Empresarios de Lugo (AJE).
Comezou o líder dos populares lucenses a súa intervención explicando a situación económica do país, un contexto derivado dun problema de débeda externa que provoca un problema de financiamento moi grave
 |
“Esta Débeda externa multiplicouse por tres nos últimos anos, non se tomaron as medidas axeitadas e esto obriga a resolver un problema de déficit e a acometer reformas”- manifestou
José Manuel Barreiro explicou as medidas acometidas polo Goberno Central para combater a actual situación da economía no noso país e lanzou unha mensaxe de tranquilidade aos empresarios.
“Dentro da gravedade, temos que ver as cousas con ilusión porque desta actual situación económica, España vai a saír gracias as medidas que está levando a cabo o Goberno de Mariano Rajoy”- manifestou.
José Manuel Barreiro fixo especial fincapé na Reforma Laboral e, dende a prudencia, asegurou que xa empezan a notarse os resultados posto que está sentando as bases da xeración de emprego indefinido e autónomo.
“Eu non quero ser triunfalista porque hai máis de 5 millóns de españoles que ainda non teñen a oportunidade de contar cun emprego. É certo que os datos son bos pero hai que ser prudentes,- manifestou Barreiro, quen lembrou que “catro meses despois da reforma laboral prodúcese o maior ascenso de cotizantes nos últimos catro anos e que nos atopamos no mellor mes de xuño en 16 anos onde o número de desempregados baixou en preto de 100 mil persoas (98.853 concretamente), no mellor xuño dende 1996.
Fixo especial fincapé o Voceiro do GPP no Senado na nosa Comunidade
“O paro reducíuse en Galicia en máis de 7.000 personas e situouse en máis de 260 mil traballadores, un 2.68% menos que o mes anterior.”-afirmou Barreiro, quen manifestou que estes datos positivos débense a boa xestión do Goberno de Mariano Rajoy en España e de Alberto Núñez Feijóo en Galicia.
Falou tamén Barreiro da Reforma da Sanidade, da Reforma da Educación, do acordo acadado o pasado venres no Consello Europeo, do Plan de Pago a Proveedores, da Futura Lei dos Emprendedores ou da Lei de Dinamización do Comercio Minorista e conclúeu a súa intervención asegurando que a primeira reforma que fixo o Executivo Central foi dicir a verdade e mostrouse convencido de que gracias as medidas que está adoptando o Goberno de Mariano Rajoy, España sairá da crise económica e volverá a recuperar o prestixio internacional que nunca tería que haber perdido.