Monforte, 24 de febreiro de 2012.– O Presidente Provincial do PP de Lugo, José Manuel Barreiro, continúou en Monforte, o programa de actividades que o está levando a percorrer toda a provincia lucense.
Neste segundo encontro (o primeiro foi na Fonsagrada), o Presidente mantivo unha xuntanza cos alcaldes e voceiros do PP dos diferentes concellos da comarca do Lemos onde continou a liña emprendida de creación de estructuras internas de participación, debate e xeración de ideas.
 |
Lembrou o Presidente Provincial que é fundamental continuar nesta liña de fortalecemento do partido. “A sociedade lucense respaldou maioritariamente ao Partido Popular polo que agora compre responder con moito traballo e dedicación á confianza que depositaron en nos e, neste obxectivo, ten unha importancia vital a liña emprendida durante o pasado ano.
José Manuel Barreiro, aposta así por trasladar a cidadanía tóda-las xestións que se desenvolvan no ámbito das novas responsabilidades de goberno. “A idea é manter un contacto continuo cos cidadáns. Un proceso que irá nunha dobre vertente:
1- a necesaria rendición de contas sobre o traballo desenvolvido nas distintas cámaras por cada un dos cargos públicos lucenses, e
2- pola outra un proceso permanente de recepción de ideas, suxestións e inquedanzas que nos permitan facernos eco e capitanear as principais reivindicacións e necesidades dos lucenses”
O presidente do partido popular de Lugo lembrou a importancia das reunións de coordinación que el presidirá e que terán lugar con periodicidade mensual e nas que participarán os distintos cargos públicos no Parlamento de Galicia, Deputación, Congreso e Senado. Segundo Barreiro serán un instrumento moi útil para impulsar a actividade do partido e trasladar propostas en positivo para o conxunto da provincia.