Lugo, 19 de xaneiro de 2012. –O presidente do Partido Popular de Lugo e voceiro do Grupo parlamentario popular no Senado, José Manuel Barreiro, e o deputado nacional Joaquín García Díez expresaron a súa satisfacción pola noticia de que o Goberno de Mariano Rajoy permitirá retrasar o pagamento da débeda que os concellos teñen contraída co Estado como consecuencia da liquidación negativa resultante dos exercizos 2008 e 2009. Unha débeda que, como lembraron os representantes populares, non foi froito da actividade dos concellos senón das malas previsións orzamentarias e da irresponsabilidade do anterior Executivo central liderado por Rodríguez Zapatero.
Os erros de cálculo nas previsións económicas feitas polo Goberno socialista central provocaron que os entes locais da nosa provincia recibiran do Estado unha cantidade superior á que lles correspondía en concepto de anticipos. Unha cantidade que posteriormente lles foi reclamada e que os concellos estaban obrigados a devolver en cinco anualidades. En conxunto, na provincia de Lugo a débeda acumulada en 2008 e 2009 ascende a 47,5 millóns de euros (7,7 corresponden ó Concello de Lugo e 29,3 á Deputación).
 |
Para José Manuel Barreiro, a decisión do actual Consello de Ministros de aprazar a dez anos a devolución desta débeda demostra a “sensibilidade” do actual Goberno central coa situación económica dos municipios e das deputacións e a súa aposta por evitar a quebra nas administracións máis próximas ós cidadáns: os concellos. A maiores, dende un punto de vista práctico evitará que, “agobiados por esta circunstancia”, os entes locais teñan que asumir novos axustes.
DESAFOGO
Nesta liña, o presidente provincial salientou o gran desafogo que vai supoñer esta medida para as arcas municipais e para as políticas económicas dos concellos e da propia Deputación. Considera que Rajoy deu un balón de osíxeno ó municipalismo rebaixando de xeito significativo o montante de devolución anual e ampliando a posibilidade de facelo durante a próxima década.
Barreiro recalcou tamén que esta decisión é froito da “coherencia” do Goberno popular, posto que, segundo lembrou, a proposta de amplir o prazo para devolver as liquidacións negativas foi unha reivindicación xeral das Comunidades Autónomas, liderada pola Xunta de Galicia, e pola que, “como demostran os feitos”, Mariano Rajoy se interesou.
Foi, lembrou, o Goberno galego o que solicitou varias veces no Consello de Política Fiscal e Financeira (CPFF) esa ampliación, petición á que se foron sumando prácticamente a totalidade das CCAA. Tamén no Congreso e no Senado os populares fixéronse eco da proposta e mesmo na Deputación, segundo dixo, e o Grupo provincial do Partido Popular propuxo “ata en dúas ocasións” que se instara ó Goberno central a que se adoptara esta medida.
Como conclusión final, o presidente provincial dos populares subliñou que en 15 días con Mariano Rajoy ó fronte do Executivo central avanzouse máis e fíxose máis polos nosos concellos que nos tres últimos anos co Goberno socialista.
SUBIDA DEL IRPF
Pola súa banda, o deputado nacional Joaquín García Díez responsabilizou á “herdanza envenenada” recibida polo Goberno Rajoy da toma dalgunhas decisións que “os populares nunca desearíamos ter tomado”. “As circunstancias obrigan”, enfatizou, en referencia ó incremento do IRPF.
Segundo lembrou, os socialistas, “concretamente o Sr. Rubalcaba”, dixeron no debate de investidura que o PP subiría o IVE, baixaría as pensións, as prestacións por desemprego e recortaría o gasto social. “Seguen instalados na estratexia do medo e a mentira, pese ós malos resultados que lle deu nas eleccións”, indicou: “o Goberno non fixo nada do que pronosticaron os socialistas e si se viu obrigado a acordar unha subida temporal do IRPF foi porque o contexto económico que nos deixou Zapatero obriga a elo; e porque é, de todas as opcións posibles, a máis xusta, equitativa e progresiva que se podía tomar. Nós non queremos que a factura a paguen os máis débiles”. “Os socialistas foron os que conxelaron as pensións, baixaron o salario os funcionarios e subiron o IVE a todos os cidadáns”, apuntillou.
A suba do IRPF, segundo explicou o deputado popular, ten como obxectivo mantener o compromiso de revalorizar as pensións, “que o PSOE non foi quen de soster”. Na provincia de Lugo, a paga única por desviación do IPC en 2011 beneficiará 49.914 pensións por un importe de 6.700.000€ e o custo en 2012 do total de pensións, incluindo a revalorización do 1% e a consolidación da desviación do IPC no 1,9%, será de 14.240.000€ e afectará a 130.033 prestacións.
O incremento do IRPF, segundo dixo García Díez, 5,3 millóns de contribuintes españois nos se verán afectados. En Lugo, dos 163.000 cotizantes, 60.000 quedarán fora desta “medida provisional”. Só se gravará, segundo recalcou, a quen máis ingresos ten y de manera progresiva. Así dos 19 millóns de declaracións en España, 16 millóns teñen ingresos por debaixo dos 40.000€. En Lugo, dos 163.000 contribuintes, 153.000 están por debaixo dos 40.000€.
Enfrontámonos á peor herencia da democracia: máis de 5,4 millóns de parados e un incremento da débeda en 2011 que custalle a cada español 2.000 € e, “a maiores”, o “verdadeiro” déficit é do 8 por cento “e pode que incluso algo máis” e non do seis por cento “como aseguraban os socialistas durante o proceso de traspaso de poderes”. “Os socialistas mantiveron as súas mentiras ata o último momento”, enfatizou. “E non digamos nada xa da situación na que deixaron a Seguridade Social, como xa acontecera en 1996 atopámonos cun desfase, nesta ocasión, de 5.000 millóns”, concluiu.
*Exemplo:
IMPACTO DO GRAVAMEN COMPLEMENTARIO A CUOTA INTEGRA ESTATAL DO IRPF
DECLARACIÓNS 2009
TOTAL TOTAL NO AFECTADOS IMPACTO ANUAL
Menos de 10.000€ 76.892 57.069 7€
10.000 e 20.000€ 47.562 2.772 69€
20.000 e 30.000€ 20.191 62 226€
30.000 e 40.000€ 10.449 0 444€
TOTAL 162.959 59.919