 |
 |
Chantada, a 6 de novembro de 2011.- O cabeza de lista ó Senado por Lugo do Partido Popular chamou a atención no xantar-mitin celebrado hoxe en Chantada, no que tamén participou o presidente do PPdeG Alberto Núñez Feijoo, sobre as diferentes herencias económicas que populares e socialistas deixaron en España e que, ó seu entender, “marcan diferencias” entre a actuación de uns e outros.
Así, José Manuel Barreiro, explicou que o crecemento medio anual do Producto Interior Bruto en España entre 1996 e 2003 foi do 3,6 por cento; cos socialistas o crecemento converteuse en decrecemento: o -3,6% en 2009, o -0,1% e 2010 e o 0% no terceiro trimestre de 2011.
“No desemprego, pola contra”, dixo, “cos socialistas subimos, subimos moito”. O PP deixou en 2003 unha taxa de paro do 11,1%, “despois de remontar 10 puntos que nos deixou como herencia ó goberno de Felipe González”, e hoxe estamos “á cabeza de Europa” con case o 22 por cento da poboación sen traballo.
 |
“As comparanzas son odiosas pero ilustrativas”, apuntillou Barreiro.
O candidato popular referiuse tamén na súa intervención á aposta decidida, “comprometida por Marinao Rajoy”, co sector primario. O PP promoverá, de feito, a incorporación de xóvenes á actividade agraria para frear o abandono do campo e o envellecemento da poboación no rural, facilitando así o relevo xeneracional. “Na Ribeira Sacra tedes moi presente, pola puxanza que ten a viticultura, o importante que resulta que os mozos se poñan ó frente das explotacións. Eles son a mellor garantía de que o sector teña futuro e así o están demostrando xa co recoñecemento e prestixio internacional que o seu traballo está a alcanzar”, indicou. “O Partido Popular respaldará ós emprendedores”, enfatizou.
 |
José Manuel Barreiro tamén se referiu “ás infraestructuras aínda inexistentes” reiteradamente prometidas polos socialistas, nomeadamente por José Blanco. “Que vos vou dicir, por exemplo, da autovía Lugo-Ourense ou da que ía unir Chantada con Monforte”, preguntouse. “Pois que despois de unha década de promesas, aínda estamos sin elas”.
O cabeza de lista ó Senado por Lugo non deixou pasar tampouco a oportunidade de referirirse “o cabreo” que ten o alcalde de Lugo e a vicepresidenta da Deputación por ter que pagar unha multa de 200 euros “por facer o que non debían, por incumprir a lei electoral como así recoñece a xunta electoral provincial”.
 |
Neste senso Barreiro indicou que os socialistas “parecen sentirse por riba do ben o do mal”. “Hai ministros que non dubidan en converterse en inquisidores, obviando o papel da xustiza, pero que cando el se converte en acusados, ademais de non asumir responsabilidades nin dar explicacións, acordanse, agora si, de apelar á presunción de inocencia; e hai outros cargos que non dubidan en empregar as institucións para facer uso partidista delas, como é o caso da Deputación de Lugo. Os socialistas, e ós feitos me remito, teñen unha vara de medir distinta para eles e para os demais”, concluiu.
 |
 |