Partido Popular de Lugo

Barreiro exhorta ós afiliados do PP a converterse en altavoces das propostas de goberno de Ballesteros e López

 

Ribas de Sil/A Pobra do Brollón, a 29 de abril de 2011.- José Manuel Barreiro, presidente provincial do Partido Popular participou hoxe en sendos encontros con afiliados e simpatizantes desta formación política en Ribas de Sil e A Pobra de Brollón.

Durante as xuntanzas Barreiro exhortou ós asistentes a transmitir “porta por porta, veciño por veciño” o proxecto que o Partido Popular quere desenvolver nestes municipios dende o goberno municipal. Neste senso, salientou que é “imprescindible a implicación e participación de todos” neste cometido porque, segundo explicitou, Jesús Ballesteros e David López e as súas respectivas candidaturas non poder facer este traballo solos.

“Cada un de nós tense que converter en altavoz das súas propostas. Temos que explicar que nin os socialistas nin as coalicións entre socialistas e nacionalistas son unha opción para garantir a prosperidade e o futuro dos concellos”, engadiu.

En ambos encontros tamén participaron, entre outros cargos órgánicos e electos do Partido Popular, Samuel Juárez e o secretario xeral dos populares lucenses José Manuel Balseiro.