Lugo, a 28 de abril de 2011.- O Partido Popular de Lugo iniciou os trámites pertinentes para proceder a dar de baixa de militancia de xeito inminente á todas aquelas persoas que, pese a formar parte dos actuais grupos municipais populares nalgúns concellos da provincia, como é o caso de Chantada, Viveiro e A Pobra de Brollón, teñen previsto concurrir na cita electoral do vindeiro mes de maio baixo outras siglas.
O secretario xeral dos populares lucenses José Manuel Balseiro deu orden do inicio do proceso de expulsión inmediata tras constar esta circunstancia nas listas electorais publicadas o pasado día 26 no Boletín Oficial da Provincia.
Entende Balseiro que, pese a non comunicar nin solicitar formalmente a súa baixa de militancia ó partido, o feito de figurar en candidaturas alleas ás presentadas polo Partido Popular constitúe motivo suficiente para proceder a súa expulsión fulminante.