 |
Ribadeo, a 20 de novembro de 2010.- O presidente dos populares lucenses José Manuel Barreiro fixo hoxe público, durante un encontro desenvolvido en Ribadeo con afiliados e simpatizantes e no que participou, entre outros cargos orgánicos do partido, o secretario xeral do PPdeG Alfonso Rueda, a proposta da dirección provincial sobre os cabeza de lista ás vindeiras eleccións municipais nos concellos mariñáns de Ribadeo, Foz, Lourenzá, Barreiros, Trabada, A Pontenova e Riotorto.
 |
 |
O líder do PPdeLugo asegurou durante a súa intervención que é “un feito constatado” que A Mariña gañou co cambio de goberno en Galicia. “A Xunta apostou por esta comarca pese ós axustes orzamentarios ós que obriga a crise e a incompetencia en materia económica da que está a facer ostentación, que xa non gala, o Goberno central”, explicou.
“Con respecto a este ano, a Xunta incrementou un 50 por cento os investimentos adicados á execución de obras e dotación de servizos. O Goberno de Zapatero rebaixounos máis dun 40 por cento. O goberno que preside Feijoo acabou coa agravio contra esta comarca que exerceu antes o bipartito e que continúa agora o Estado”, enfatizou.
 |
 |
Por este motivo e por outro igual de importante, segundo dixo, como é o feito de que o actual goberno da Xunta “amosou a súa vontade clara de buscar consensos e non crear conflictos”, manifestouse convencido de que “os veciños da Mariña teñen gañas dun cambio naqueles concellos nos que aínda non goberna o Partido Popular. Non queren Zapateros nas alcaldías”.
“Agora pódese comparar. E entre o estilo Feijoo e o estilo Zapatero, a opción está clara”, reiterou Barreiro, quen tamén se referiu a que os bipartitos saen moi caros: “eiquí sabédelo ben porque tedes exemplos nos que esas coalicións de goberno están máis preocupadas por asegurarse a súa propia subsistencia económica que en mellorar as condicións de vida dos veciños ós que representan”.
 |
 |
 |
 |
Da vocación que rixe a actuación da Xunta de buscar consensos e de converter en feitos os compromisos “sodes vos testigos”, asegurou Barreiro: “aí está o acordo acadado entre Portos de Galicia e Ence para garantir a continuidade do uso comercial do porto de Mirasol é, polo tanto, asegurar o mantemento desta importante actividade económica”. “Onde uns só atopaban problemas; outros encontraron solucións”, apuntillou.
“En definitiva”, asegurou o líder dos populares lucenses, “os cidadáns detectan que o goberno que lidera Feijoo ofrece garantías e a oportunidade para seguir avanzando” polo que dixo estar convencido de que o vindeiro mes de maio “faremos un pleno e que os sete candidatos que presentamos hoxe serán alcaldes”.
 |
 |
 |
 |
Ribadeo
Manuel A. Valín Valdés
Naceu o 22 de xunio de 1961. Está casado.
É licenciado en Xeografía e Historia. Dende 2001 é o xerente da Fundación para o desenvolvemento da Mariña central.
Estreouse como concelleiro na lexislatura 95-99; exerceu como tenente de alcalde entre 1999 e 2003, e voltou á corporación municipal entre 2005 e 2007.
Barreiros
José Alfonso Fuente Parga
Naceu en Benquerencia (Barreiros) o 10 de xuño de 1971. Está casado e ten dous fillos.
É licenciado en Empresariais
Accedeu á alcaldía en 2005. Xa en 2007 encabezou a candidatura do Partido Popular.
Foz
Javier Jorge Castiñeira
Naceu o 20 de setembro de 1974.
É arquitecto técnico e traballa nunha promotora.
Lourenzá
Vidal Martínez-Sierra López
Naceu o 2 de febreiro de 1961. É parella de feito e ten unha filla.
É veterinario e funcionario de carreira.
Accedeu á alcaldía en 1996 e dende entón foi cabeza de lista.
 |
 |
 |
A Pontenova
Jorge García García
Naceu en Bos Aires (Argentina) o 3 de agosto de 1965. Está solteiro.
É licenciado en Dereito e mestre.
Entrou a formar parte da corporación de A Pontenova en 1995. Foi tenente de alcalde entre 1999 e 2007. Dente 2007 preside o comité local do PP.
Riotorto
Clemente Iglesias González
Naceu o 29 de xaneiro de 1976.
É licenciado en Ciencias Económicas e Empresariais.
É funcionario no concello de Riotorto.
Trabada
José Manuel Yanes Ginzo
Naceu o 29 de decembro de 1955. Está casado e ten tres fillos.
É funcionario da administración local en excedencia.
Accedeu a alcaldía en 1991. En febreiro deste ano foi reelexido presidente do comité local do PP.
 |
 |