Lugo, a 4 de febreiro de 2010.- Boa parte dos preto de 80.000 xubilados existentes na provincia de Lugo, segundo os datos do INSS; veñen de comprobar con certa estupefacción como a súa pensión experimentou o pasado mes de xaneiro unha reducción como consecuencia da subida de impostos posta en marcha polo Goberno que lidera Jose Luis Rodríguez Zapatero e eso pese a que, previamente e mediante carta, lle anunciaran un incremento mínimo do un por cento.
 |
Boa parte destes xubilados, que na nosa provincia supoñen o 22 por cento da poboación, vense perxudicados pola suba de impostos impulsada polos socialistas. Lugo sofre con especial intensidade este recorte nas pensións, dado que segue a ser a segunda provincia (só superada por Ourense) coa pensión media máis baixa de España, ó igual que as de viudez (páganse 29.946 prestacións deste tipo), aínda que neste caso son as primeira pola cola do conxunto do Estado.
“Lugo, unha vez máis e por outra cousa máis, ten que pagar as consecuencias da nefasta xestión económica dos socialistas”, indicou hoxe o Presidente do Partido Popular de Lugo José Manuel Barreiro.
Pero os xubilados, segundo puntualizou, non son os únicos perxudicados pola máis importante suba de impostos da historia de España, tamén moitos traballadores xa comprobaron o efecto do incremento da porcentaxe de retención na súa nómina polo IRPF, polo que tamén verán mermado o seu poder adquisitivo.
A decisión do Goberno socialista central de suprimir a deducción dos 400 euros, a que fora promesa estrela do PSOE nas pasadas eleccións xerais, provoca o incremento da retención fiscal do imposto sobre a renda (IRPF), o que a efectos prácticas supón un recorte do salario que reciben miles de traballadores e pensionistas cada mes, segundo explicou Barreiro.
Na opinión do líder popular “os feitos contradicen a doctrina da que alardean os socialistas. As accións poñen de manifesto que non é certo que o PSOE sea o abandeirado das políticas sociais xa que, como todos poderán comprobar nos extractos bancarios, o Goberno de Zapatero castiga ós máis débiles: fai que os pensionistas e os asariados sexan os que máis sofren os erros da súa xestión económica. Ademais de ver reducidas as súas percepcións, mes a mes, e con elo a súa capacidade adquisitiva, en breve haberá que engadirlle un novo prexuizo, o que provocará a suba do IVE (que aumentará un dous por cento a comenzos do vindeiro verán) e que repercutirá en calquera compra que se realice”.
“Non hai moitos días chamábamos a atención sobre o perxuizo que para a nosa provincia suporá a reducción, en comparanza co 2009, de 12 millóns de euros polas transferencias do Estado ás entidades locais; tamén sobre a demora no pago ós concellos dos fondos FEIL e a repercusión que tamén para os concellos terá o incremento do IVE; a evolución do desemprego é xa de sobra coñecida… Pasan os meses é todas a noticias en materia económica son negativas e os socialistas, lonxe de aportar solucións, cada día agravana máis con decisións e contradecisións que poñen de manifesto a súa improvisación e a falla de criterio e de capacidade para reconducir unha situación que xa pode calificarse de insostible”, engadiu.