Partido Popular de Lugo

Barreiro será un dos ponentes da interparlamentaria que o Partido Popular celebrará en Palma de Mallorca

Lugo, a 13 de xaneiro de 2010.- O senador e voceiro da Comisión de Economía e Facenda do GPP na Cámara Alta, José Manuel Barreiro, participará coma ponente na 15ª Unión Interparlamentaria Popular que se celebrará os vindeiros días 15 e 16 en Palma de Mallorca baixo o lema “Propostas para o cambio”.

En concreto, o senador lucense intervirá o venres na mesa sobre “Financiación autonómica, garantía e servizos públicos”, que estará presidida polo Vicesecretario de Comunicación do Partido Popular Esteban González Pons. 

Xunto a Barreiro, participarán neste foro de análise Santiago Cervera, Presidente do PP de Navarra; Gerardo Camps Devesa, Conselleiro de Economía, Facenda e Empleo da Generalitat Valenciana; Pilar del Olmo Moro, conselleira de Facenda da Junta de Castilla e León e Teresa Angulo, voceira do GPP na Asamblea de Extremadura.