 |
Lugo, a 21 de novembro de 2009.- O concelleiro popular e deputado autonómico Jaime Castiñeira foi o único que presentou candidatura para presidir o comité local do Partido Popular en Lugo.
O prazo para a formalización de candidaturas e a entrega dos avais correspondentes rematou onte ás oito da tarde. Segundo establecen os estatutos do partido os aspirantes debían presentar un mínimo de 50 apoios, Castiñeira aportou máis de 200 avais.
O vindeiro día 1 de decembro finalizará o prazo para que os afiliados formalicen a súa solicitude para poder ser compromisarios e votar no Congreso Local que se desenvolverá o vindeiro día 12 de decembro no recinto ferial de Lugo e que será clausurado polo Pesidente provincial José Manuel Barreiro. Poderán facelo nas sedes do PP en Lugo situadas en Ramón Montenegro 13- chalet ou e San Marcos, 1 1º-Esquerda.
Calquer afiliado pode optar a ser compromisario aínda que se o número de aspirantes superara os 200, votarase en asamblea, a celebrar o 3 de decembro, os que finalmente actuarán como tal.