Partido Popular de Lugo

O GPPP califica de inaudito e inxustificable que o desbroce das vías provinciais esté sen rematar

Lugo, a 1 de novembro de 2009.- O Grupo provincial do Partido Popular calificou de inaudito que a Deputación recoñecera que a piques de rematar o mes de outubro as tarefas de desbroce das vías provinciais non estén rematadas.

Para os populares a resposta dada no último pleno sobre o estado no que se atopaban estos traballos ratifica novamente a vagancia que impera no equipo de goberno provincial.

Este retraso é absolutamente inxustificable, máxime si se ten presente que moitos dos municipios da provincia optaron por asumir directamente esta competencia, precisamente pola demora da que son obxecto estas tarefas dende a chegada do goberno bipartito provincial.

Non vale, ó entender dos populares, ningún tipo de excusa porque nesta campaña, ademais do xa mencionado feito de que se reduxo considerablemente a superficie sobre a que debía actuar a Deputación, a contratación e os prazos para a súa execución foron establecidos polo propio goberno provincial.

O ritmo de traballo da administración provincial é tan lento que dos 47 concellos da provincia que asumiron directamente a realización destes traballos, a estas alturas únicamente dez, é dicir pouco máis do 20 por cento,  recibiron os cartos correspondentes. Este retraso non pode achacarse á falla de fondos, xa que nos orzamentos hai consignada unha partida específica para este fin.