Santiago, 2 de abril de 2009.- Manuel Ruiz Rivas repetirá como portavoz do Grupo Parlamentario Popular na VIII lexislatura, mentres que os deputados Susana López Abella e Antonio Rodríguez Miranda serán portavoces adxuntos. A decisión foi comunicada aos interesados esta mañá polo presidente do PPdeG, Alberto Núñez Feijóo, logo de recabar a opinión de tódolos deputados populares aos que, como xa sucedera para a designación dos representantes do PPdeG na Mesa do Parlamento, consultou antes de adoptar a decisión.
O Grupo Popular rexistrou esta mesma mañá un escrito dirixido á Mesa da Cámara para comunicar a constitución formal do Grupo Parlamentario Popular.
Nacido en Ribeira en 1957, Ruiz Rivas é pai de dúas fillas. É deputado pola Coruña.
Susana López Abella naceu en Taboada-Chantada en 1967; está casada e ten dous fillos. É deputada por Lugo.
Antonio Rodríguez Miranda naceu en A Bola-Ourense en 1967 e está casado. É deputado por Ourense.