Lugo, a 29 de setembro de 2008.- O Partido Popular de Lugo deu está mañá un novo paso para pedir máis, e mellores servicios de ferrocarril para a provincia. Despois de realizar unha “viaxe simbólica” a bordo do tren Arco que Renfe puxo como enlace para coller en Monforte o Alvia a Barcelona, e logo de comprobar “in situ” as incomodidades que sufren os pasaxeiros que realizan o trasbordo, os populares declararon que “intensificarán as accións para impedir que o goberno de ZP continúe desmantelando os servicios que hai na provincia”. Os dirigentes do Partido Popular consideran insostible a actual situación e propoñen a unidade política e cidadá para cambiala.
 |
O Presidente Provincial do Partido Popular, José Manuel Barreiro, estivo acompañado polo Secretario Xeral, José Manuel Balseiro e os deputados nacionais, Joaquín García Díez y Raquel Arias, así como por deputados autonómicos, alcaldes e concelleiros de Lugo e comarca de lemos.
“A marcha do Talgo de Lugo é unha mala noticia. A Ministra Fomento intenta enganar aos cidadáns dicindo que facendo este trasbordo aforramos dúas horas de viaxe. Que suban eles e comproben o gran avance que intentan vendernos. ¿esta é a discriminación positiva dos socialistas con Lugo?, ¿estas son as melloras que nos propoñen los que nos gobiernan?. Apañados imos”, afirmou José Manuel Barreiro.
 |
O Presidente Provincial tamén se referiu aos retrasos que acumula o AVE “en cato anos e medio o PSOE non fixo absolutamente nada, nin un só avance. Está claro que a alta velocidade en Lugo é un soño, ainda que os dirixentes socialistas se empeñan en prometer, campaña tras campaña que é a súa obra prioritaria. De momento seguimos sen prazos e sen compromisos orzamentarios”.
O Presidente Provincial explicou que esta acción “a pé de rúa” se complementa coas iniciativas de ámbito, local, provincial, autonómico e nacional que se rexistraron nos últimos días. A máis inmediata en debatir será a deste martes, na deputación, onde o PP defenderá unha moción sobre a situación ferroviaria da provincia.
Lugo é a provincia española con peores comunicacións por tren.-
A elección de Monforte, para facer un chamamento á movilización social e política en defensa do ferrocarril, non foi casual xa que este punto foi durante moitos anos un importante nudo de comunicación ferroviaria”.
 |
Os populares non só protestaron pola supresión do Talgo directo con Madrid senon que tamén puxeron varios exemplos cos que demostraron que Lugo é a provincia de España con peores comunicacións por tren.
Lugo non ten tren directo ata o País Vasco tren, un servizo que si dispoñen outras capitais galegas como Ourense, Santiago, Vigo e A Coruña
- VIAXAR DENDE LUGO A VIGO (FACER TRANSBORDO EN MONFORTE): 200 KM DE DISTANCIA: 11 HORAS.
- VIAXAR DENDE LUGO A VIGO (POR A CORUÑA): 256 KM: 5 HORAS.
- VIAXAR DE MONFORTE A PONFERRADA: 190 KM: MÁIS DE 3 HORAS (O MESMO QUE FAI 20 ANOS)
- VIAXAR DE LUGO A OURENSE: 2 HORAS (NON CIRCULA TODOS OS DÍAS)
- UNHA PERSOA QUE VIVA EN QUIROGA E QUERA IR A CORUÑA: 3 HORAS E MEDIA.
- VIAXAR DE LUGO A CORUÑA EQUIVALE A FACER 14 PARADAS NO TRAXECTO.
- VIAXAR DE SARRIA A VIGO SON 9 HORAS.
- VIAXAR DE RIBADEO A FERROL SON 3 HORAS.
Á vista destes dos horarios e das frecuencias ferroviarias que temos na provincia está claro o abandono deste medio de transporte.
Plataforma Lugotambienexiste.-
A supresión do Talgo directo que une a capital da provincia coa cidade condal foi o detonante da creación da plataforma lugotamenexiste e, de xeito paralelo, se rexistraron iniciativas en todas as institucións para debater tanto a nivel local, provinicial como autonómico. Á última actuación, exitosa, foi gracias a presión exercida polo deputado nacional, Joaquín García Díez, que conseguiu o compromiso da Ministra de Fomento para que Lugo teña un tren hotel de enlace con Madrid que substituirá o vello Estrella.
García Díez , explicou que o pasado xoves os deputados nacionais do PSOE e o BNG votaron en contra dunha Proposición Non de Lei do PP que se debateu na Comisión de Fomento para tratar de acelerar as obras da chegada do AVE a Galicia e que entre outros, figuraban os tramos que afectan a Lugo: Ourense-Lugo; Lugo-A Coruña, e Ponferrada – Monforte.
O Partido Popular instaba para que se axilizasen os trámites pendentes coa idea de que se procedese a tramitar e licitar conxuntamente proxecto e obra durante 2009 e 2010
Buscando apoios.
Ao marxe deste acto reivindicativo o Partido Popular ten programado un calendario de xuntanzas con distintos colectivos coa idea de analizar a situación do ferrocarril da provincia e buscar apoio para reclamar máis e mellores servicios. Esta mesma tarde, en Monforte, a deputada nacional, Raquel Arias, entrevistarase coa Asociación de Empresarios coa idea de recabar o apoio deste colectivo.
A deputada nacional e alcaldesa de Sober, insistiu no abandono que padece o sur de Lugo por parte das distintas administracións , e que ten no tren un dos expoñentes máis representativos. Pediu ao goberno central “que deixe de enganar ós veciños tal como é o caso da variante de Canaval, da que o PSOE fala continuamente como si xa estivera rematada cando a realidade é que nin se coñece a data de inicio da mesma; e que dunha vez se poñan a gastar cartos (e non só presupuestalos) para que Lugo conte cun servicio ferroviario digno.”