Partido Popular de Lugo

O GPPP ASEGURA QUE NON SE SABE NADA DO NOVO CATAMARÁN MONOCASCO DA DEPUTACIÓN

Lugo, a 16 de maio de 2008. O Grupo Provincial do PP afirma que non se sabe absolutamente nada da entrada en servicio do novo catamarán monocasco que mercou a Deputación hai xa un ano, e que tiña que estar xa, ademais de entregado, listo para entrar en funcionamento. Os populares lembran que o investimento adicado para adquisición deste novo barco foi dun millón de euros.

Na opinión do voceiro adxunto do GPPP, José María González Barcia, “a improvisación é o máximo común denominador da labor de desgoberno que está a sufrir a Deputación provincial de Lugo”.

 

Lembra o deputado popular que “cun investimento de un millón de euros non debería xogarse e, a estas alturas, alguén tiña que ter dado explicación sobre que é o que pasa co barco”.

Ante a falla de información ó respecto, os populares deducen que “a demora da súa posta en servicio só é atribuible ó malfacer dos gobernantes provinciais”. Suliñan neste senso que hai uns meses o barco ía vir por estrada, tal e como se dixo nun pleno da Deputación; pero o permiso de transporte por estrada caducou, polo que agora será preciso tramitar un novo. “Todo un exemplo de eficacia e boa xestión dos recursos”, ironizou Barcia. 

O GPPP insta a Gómez Besteiro a dar solución a este asunto, dado que dous deputados provinciais, a Sra. Vega e o Sr. Sotuela, teñen competencias sobre o barco. “E como di o refrán, onde hai patrón non manda mariñeiro, aínda que descoñecemos se o título de Besteiro é o de patrón ou o de mariñeiro”, engaden.