A Pontenova, 27 de febreiro de 2008.- O candidato ó Senado José Manuel Barreiro referiuse no mitin celebrado esta tarde en A Pontenova ás declaracións feitas polo número 1 ó Congreso dos socialistas lucenses José Blanco nas que aseguraba que nos vindeiros catro anos o Goberno de ZP, se gañaba as eleccións, invertirán más de 700 millóns de euros en autovías na provincia de Lugo.
 |
Barreiro ironizou sobre “os cheques en blanco” do cabeza de lista do PSOE en Lugo “que, como o seu apelido, sempre están en blanco. E a proba témola en que tivo catro anos para demostrar a súa vontade de traballar pola súa provincia e o resultado e que estamos igual que no ano 2004: A Mariña segue sen porto comercial, sen autovía do Cantábrico, sen VAC Barreiros-San Cibrao…”
“Despois de ningunear a esta provincia durante unha lexislatura”, engadiu José Manuel Barreiro, “agora ten o atrevemento a dicir, en plena campaña electoral, que adicará 700 millóns de euros ás autovías que tiñan que estar feitas e das que aínda non hai posta nin a primeira pedra”. “Sr. Blanco a súa palabra non vale nada para os lucenses xa que nunca a cumpriu”, apostillou.
 |
Barreiro lembrou que o Goberno de Zapatero deixou sin invertir na provincia de Lugo en autovías nesta lexislatura 1.043,9 millóns de euros que o Goberno do PP deixara comprometidos: Na autovía do Cantábrico, 458,9 millóns de euros; na autovía Lugo-Santiago, 337 millóns; na autovía de Lugo-Ourense, 248 millóns de euros. “É una desfachatez que agora nos prometa 700 millóns”, engadiu.
 |
O candidato ó Senado tamén se referiu a algunhas das propostas “realistas” incluidas no programa electoral do PP: ‘subiremos 150 euros as pensións e faremos todo o posible por igualar ás da pronvicia de Lugo (que son as máis baixas) coas do resto do Estado; os que gañan menos de 16.000 euros non terán que facer a declaración; haberá bonificación de ata 1.000 euros para xerar emprego feminino; articularanse medidas para facilitar o acceso á vivenda; e nos 100 primeiros días do Goberno de Rajoy celebrarase en Galicia un Consello de Ministros para fixar prazos e orzamentos para executar as infraestructuras que permitan colocar a Lugo e a Galicia no lugar que lle corresponde”.
 |
No mitin de A Pontenova, ademais de José Manuel Barreiro, interviron a tamén aspirante a Cámara Alta María del Camen Gueimunde e o Secretario Xeral do PP de Lugo José Manuel Balseiro. Éste último fixo referencia no seu discurso “ó caro” que resulta o Goberno municipal de A Pontenova.
“É o máis caro de Galicia porque nun municipio que non chega ós 2.000 habitantes hai dúas dedicacións parciais que supoñen para as arcas municipais ó redor de 6.000 euros ó mes”, asegurou. “Un bo soldo, pero nin o alcalde nin o primeiro tenente de alcalde aportaron nada ó municipio. A súa xestión e Zero, con Z de Zapatero”, engadiu.
Antes de participar no mitin, os canidatos populares repartiron pola mañá propaganda electoral na feira e, posteriormente, mantiveron unha xuntanza con representantes da asociación de comerciantes de Ribadeo.
 |
 |
 |
 |